Sunnudaginn 9.júní 2013 buðu bændurnir Þorgrímur og Helga á rjómabúinu Erpsstöðum í Miðdölum fólki að mæta og horfa á þegar kúnum var hleypt út í vorið eftir langa inniveru.

Þeir gestir sem mættir voru að Erpsstöðum skemmtu sér svo við að horfa á þegar kýrnar slettu úr klaufunum og nutu þess að hlaupa út í vorið. - Sjón er sögu ríkari en horfa má á myndband af þessum viðburði hér fyrir neðan.

Ábúendur á Erpsstöðum eru í dag hjónin Þorgrímur Einar Guðbjartsson, frá Kvennahóli á Fellsströnd í Dalasýslu og Helga Elínborg Guðmundsdóttir, frá Kvennabrekku í Miðdölum Dalasýslu. Börn þeirra eru fimm; Guðbjört Lóa, Gunnlaug Birta, Guðmundur Kári, Einar Björn og Hólmfríður Tania.

Laugardaginn 8.júní 2013 var haldin vorhátíð dvalarheimilisins Silfurtúns í Búðardal. Boðið var uppá grillaðar pylsur og hamborgara ásamt kaffi og með því. Þá komu fram ungir og upprennandi tónlistarmenn úr Dölum og sungu og spiluðu.  

Einnig spilaði harmonikufélagið Nikkólína og félagar úr kór eldri borgara í Dalabyggð tóku nokkur lög. Á meðan á þessu stóð gat yngsta kynslóðin fengið að setjast á hestbak og látið teyma sig hring á túninu fyrir framan Silfurtún. 

Hlýtt var í veðri þennan dag þó sólin hafi ekki látið sjá sig og var ekki annað að sjá en að heimilisfólk að Silfurtúni hafi verið ánægt með daginn.

Sjá myndband frá vorhátíðinni hér fyrir neðan.

Hér er á ferðinni skemmtilegt viðtal við Jens Hvidtfeldt Nielsen fyrrverandi sóknarprest í Dalaprestakalli.

Jens var sóknarprestur í Dölum frá árinu 1988 til ársins 1995 en þá fluttist hann til Calgary í Kanada þar sem hann þjónaði dönskum söfnuði. Í dag býr Jens í bænum Skive á Jótlandi í Danmörku og starfar þar sem prestur.

Viðtalið má finna hér fyrir neðan eða í Dal-varpinu hér á síðunni.

Bílvelta varð við Skógstagl nú síðdegis eða skammt frá bænum Álfheimum í Miðdölum.

Engin slys urðu á fólki í þessu óhappi en talsverðar skemmdir urðu á bifreiðinni eins og sjá má á meðfylgjandi ljósmyndum en draga þurfti bifreiðina af vettvangi með kranabifreið frá KM-Þjónustunni.